გაკვეთილი



გაკვეთილის გეგმა

გაკვეთილის  მთავარი თემა
როგორ გამოვარჩიოთ წესიერი მრავალწახნაგები სხვა სივრცული ფიგურებისაგან?
სწავლების საფეხური
 მე-5 კლასი
მოსწავლეთა პროფილი
34 მოსწავლე
გაკვეთილის მნიშვნელობა/აქტუალობა
გაკვეთილი აქტუალურია იმით  რომ იწყება სივრცის განზომილებებზე პირველი წარმოდგენების გამომუშავება; გაკვეთილი ხელს შეუწყობს  მოსწავლეებში სივრცული ფიგურების მოდელების დამზადების უნარ-ჩვევების განვითარებას; ბუნებაში, ხუროთმოძღვრების ძეგლებში, გარშემო არსებულ საგნებში აღმოაჩინონ  სივრცული ფიგურების ანალოგიური ფორმები
გაკვეთილის მიზნები და შედეგები

მოსწავლეები გაეცნობიან წესიერ მრავალწახნაგებს:ტეტრაედრს,ოქტაედრს, იკოსაედრს,კუბს, დოდეკაერს;შეძლებენ სათანადო ტერმინოლოგიის გამოყენებას მრავალწახნაგების აღწერისას,მოახერხებენ კლასიფიკაციას და შედარებას წახნაგების რაოდენობისა და ფორმის მიხედვით;გააკეთებენ შლილის მეშვეობით სივრცული ფიგურების მოდელებს, ზოგიერთ მათგანს გამოძერწავენ პლასტელინისგან.
წინასწარი ცოდნა
პირამიდის , პრიზმის ცნების,წახნაგის, წიბოს, წვეროს, ზედაპირის შლილის   განმარტება. მრავალკუთხედების კლასიფიკაცია.
შეფასების საგანი და პროცედურები

მოსწავლის ჩართულობა გაკვეთილზე, აქტიურობა ჯგუფურ მუშაობაში, მონაწილეობა პრეზენტაციაში,დამოუკიდებელი სამუშაოს შესრულება შევაფასოთ თვისებრივი ხასიათის სიტყვიერი კომენტარების თანხლებით.
შეფასების კრიტერიუმები
შევამოწმოთ, რომ ბავშვებს შეუძლიათ:
  • წესიერი მრავალწახნაგების ამოცნობა;
  • წესიერი მრავალწახნაგების ელემენტების გამოყოფა და მათი რაოდენობის დადგენა;
  • სათანადო გეომეტრიული ტერმინოლოგიის გამოყენება მრავალწახნაგების აღწერისას;
  • მრავალწახნაგების კლასიფიკაცია და შედარება მათი წახნაგების რაოდენობისა და ფორმის მიხედვით;
  • სივრცითი ფიგურის მოდელის დამზადება მისი შლილის მეშვებით, ზოგიერთი ფიგურის გამოძერწვა პლასტელინისგან;
  • სივრცითი ფიგურის ესთეტიკური მხარის შეფასება.
სასწავლო მასალა და ტექნიკური რესურსები
სახელმძღვანელო, მასწავლებლის სარეკომენდაციო, წიგნი, ცარცი, მარკერი,კომპიუტერი, პროექტორი,მრავალწახნაგების მოდელები და შლილები;კომპიუტერული პროგრამა  MS Word, PowerPoint , სლაიდები.
გაკვეთილის მსვლელობა/საკლასო მენეჯმენტი
  1. შესავალი ნაწილი /10 წუთი/
·         წინა გაკვეთილებზე შესწავლილ საკითხებზე კითხვების დასმა;
  1. ძირითადი აქტივობა /30 წუთი/
·         სლაიდების გამოყენებით 5 წესიერი მრავალწახნაგას გაცნობა;
·         ეილერის ფორმულის გაცნობა;
·         მოსწავლეების დაყოფა  5 ჯგუფად და განსხვავებული შლილების მიხედვით მრავალწახნაგების აგება;
·         დამოუკიდებელი სამუშაო: ცხრილის შევსება;ცხრილის მეშვეობით ჩაატარონ გამოთვლები ეილერის ფორმულის მიხედვით.
  1. შეფასება/5 წუთი/.

შეფასების რუბრიკა

კრიტერიუმი
მინიმალური
საშუალო
მაქსიმალური
გაკვეთილზე ჩართულობა
მოსწავლეს უჭირს მრავალწახნაგების ამოცნობა, ვერ ახერხებს მათ კლასიფიკაციას; ნაკლებად არის ჩართული საგაკვეთილო პროცესში.
მოსწავლეს შეუძლია ძირითადი მრავალწახნაგების ამოცნობა, მაგრამ ეშლება მათი ელემენტები და რაოდენობები ერთმანეთში.
მოსწავლეს შეუძლია წესიერი მრავალწახნაგების ამოცნობა, კლასიფიკაცია, შედარება წახნაგების რაოდენობის და ფორმის მიხედვით.ამყარებს კავშირს წინა და ახალ მასალას შორის; მრავალწახნაგების აღწერისას იყენებს სათანადო  გეომეტრიულ ტერმინოლოგიას.
აქტივობა ჯგუფურ მუშაობაში
პასიურად არის ჩართული ჯგუფთან მუშაობაში, არ შეუძლია სივრცითი ფიგურის მოდელის დამზადება
 ჩართულია ჯგუფურ მუშაობაში , დამოუკიდებლად ვერ ახერხებს ზოგიერთი მოდელის დამზადებას
მოსწავლე აქტიურად არის ჩართული ჯგუფურ მუშაობაში, ამზადებს სივრცული ფიგურის მოდელს მისი შლილის მეშვეობით, თანამშრომლობს ჯგუფის წევრებთან
დამოუკიდებელი სამუშაოს შესრულება     
არ შეუძლია კონკრეტული მრავალწახნაგების ელემენტების რაოდენობის განსაზღვრა, სწორად ვერ ავსებს ცხრილს.
ხარვეზით ავსებს ცხრილს, გამოთვლებს სწორად ასრულებს, მაგრამ უჭირს ცვლადების მნიშვნელობების დადგენა .
 დამოუკიდებლად შეუძლია მიღებული ცოდნა, ფორმულები გამოიყენოს პრაქტიკული სახის ამოცანების ამოხსნისას,უშეცდომოდ ასრულებს არითმეტიკულ  გარდაქმნებს და გამოთვლებს.

პრეზენტაცია

 

1 comment:

  1. მარინა ჯახაიაDecember 20, 2013 at 11:44 PM

    გალინა არაჩვეულებრივად გაქვს შესრულებული გაკვეთილის გეგმა, გისურვებ წარმატებებს!!

    ReplyDelete

Subscribe to: Posts (Atom)